A AXBOROT DISKURSIV TAHLIL TAMOYILLARI

Abstract

Olamning lisoniy manzarasi aslida inson bajaradigan mental amallar natijasi
ekanligi ma'lum. Aniq bir tartibotli tizimda umumlashadigan ushbu amallar insonning
ob'ektiv voqelik bilan munosabatini aks ettiradi. Bilish faoliyati, o'z navbatida,
voqelikning aniq nusxasini olish bo'lmasdan, balki shaxs tomonidan bildirilayotgan
farazlar, fikrlar natijasidir. Oqibatda, shaxs ijodkorligi asosida shakllangan obraz
real voqelikka mos kelishi shart emas. Ushbu faoliyat, shuningdek, tabiatan turli
ko'rinishga ega belgilar vositasida kechadi. Bundan ma'lum bo'ladiki, shaxsning sub'ektiv
voqeligining qamrovi keng.