O‘ZBEK TILINING MILLIY KORPUSIGA EHTIYOJ

Аннотация

Kelajak  avlodni ma’naviy barkamol, hozirjavob, mustaqil fikrli, izlanuvchan, umummilliy va umumbashariy qadriyatlarga sodiq qilib tarbiyalash talabi ona tili ta’limi vositalarining zamonaviy ko‘rinishlariga bo‘lgan ehtiyojni oshirmoqda. Shu sababli bugungi kunda ona tili ta’limining elektron vositalari (masalan, elektron o‘quv lug‘atlari, elektron ma’lumotnoma,  elektron  qomus va b.) tarmog‘ini amaliy asosda yaratish va rivojlantirish, o‘quv lug‘atlarining  foydalanishda qulay variantlarini tuzish va ulardan internet tizimida erkin foydalanish imkonini yaratish juda muhim. Ona tili ta’limining mazkur ehtiyojini qondira oladigan asosiy manba o‘zbek tilining milliy korpusi ekanligiga shubha yo‘q.