Жамолова Д.М. MUHAMMAD MUNSHIY VA UNING “TARIXI MUQIMXONIY” ASARI HAQIDA “O‘ZBEKISTON ETNOLOGIYASI: AN'ANALAR VA INNOVATSIYALAR” MAVZUSIDAGI RESPUBLIKA ILMIY-AMALIY KONFERENSIYASI MATERIALLARI

Аннотация

Yozma manbalarni o’rganish va ularni tadqiq qilish tarixchilarning eng muhim va asosiy vazifalaridan biridir. Chunki ularda xalqlarning tarixiy o’tmishiga oid qimmatli ma’lumotlar bor. Shuni alohida qayd etish lozimki, keyingi yillarda xalqimiz boy tarixiy o’tmishini manbalarga tayangan holda chuqur va har tomonlama o’rganish borasida salmoqli ishlar amalga oshirilmoqda. O’tmish tariximizning nihoyatda boyligi bu kabi faoliyatimizning yanada kuchayishiga turki desak xato bo’lmaydi. Mamlakatimiz prezidenti SH.M.Mirziyoyevning qator nutq va chiqishlari, jumladan 2018-yil 15-iyun kuni O’zbekiston Islom sivilizatsiyasi markazi quriladigan hududga tashrif buyurib uning poydevoriga tamal toshi qo’yilganda so’zlagan nutqida ham “bizning mamlakatimizdek boy tarix, bobolarimizdek buyuk allomalar hech qayerda yo’q, bu merosni chuqur o’rganishimiz ,xalqimizga,dunyoga yetkaza bilishimiz kerak”ligi alohida takidlangan edi.